2020-ci ilin sonunda açılması planlaşdırılan gələcək karikatura muzeyi üçün bir neçə daimi ekspozisiya hazırlanıb.
Bakıda Azərbaycan tarixində ilk karikatura muzeyi açılacaq. Ens.az bildirir ki, bu barədə Karikaturaçı-rəssamlar Birliyinin sədri Bayram Hacızadə məlumat verib.
Muzeyin təqdimatı 2020-ci ilin sonuna planlaşdırılıb.
"İllərdir ki, bu muzeyi açmağa çalışırıq. Onu öz vəsaitimiz hesabına ərsəyə gətiririk, buna görə başladığımız işi tamamlamaq çox çətindir, amma hər halda az qalıb " deyib karikaturaçı.
Eksponatlar artıq muzeyin ekspozisiyasına hazırdır. Bunlar 15-16-cı əsrlərə aid Azərbaycan miniatürlərindəki karikatura əsərləri, Çar Rusiyası dövrünün satirik mətbuatı - "Molla Nəsrəddin" jurnalının nömrələri; müxtəlif sənət əsərlərində Azərbaycan sənətkarlarının karikaturaları; Sovet dövrünün karikaturaları və müasir rəssamların əsərləri. Onlar muzeydə daimi sərgilər şəklində təqdim ediləcəklər.
Bundan əlavə, muzeydə gənc və istedadlı sənətkarların əsərləri ilə sərgi salonları olacaq.
Mənbə: az.sputniknews.ru
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.