KİV: ABŞ və İran 60 günlük atəşkəsin uzadılmasına dair razılığa gəldilər

ABŞ və İran İslamabad memorandumu çərçivəsində qüvvədə olan 60 günlük atəşkəsin müddətinin uzadılmasına dair ortaq məxrəcə gəliblər.

Ens.az Oxu.az-a istinadən xəbər verir ki,bu barədə "Anadolu" agentliyi Pakistan hökumətindəki mənbələrinə istinadən məlumat yayıb.

Mövcud razılaşmanın müddəti avqust ayının 17-də başa çatır. Agentliyin məlumatına əsasən, Tehran və Vaşinqton atəşkəs rejiminin davam etdirilməsinə razı olduqlarını artıq vasitəçilərə çatdırıblar. Lakin tərəflər bu müddətin nə qədər uzadılacağını hələ müəyyənləşdirməyiblər. Hazırda bu məsələ ilə bağlı məsləhətləşmələr davam etdirilir.

"The Atlantic" jurnalı qeyd edib ki, ABŞ Prezidenti Donald Trampın administrasiyası İranla münaqişənin həllinə dair yanaşmasını dəyişərək hərbi əməliyyatlardan və diplomatik addımlardan imtina edib.

Avqustun 10-da Tramp İrandan amerikalıların yaralanması və həlak olması, eləcə də regional münaqişələr zamanı Tehranın atdığı addımlara görə təzminat ödəməsini tələb edib. O bildirib ki, İran nümayəndələri son beş aylıq hərbi münaqişə ərzində ölkəyə dəyən zərərin ödənilməsini istəyirlər. Eyni zamanda, onun sözlərinə görə, təzminat məsələsi ABŞ tərəfi ilə aparılan danışıqlarda əvvəllər heç vaxt qaldırılmayıb.