KİV: Serxio Ramos 'Real Madrid'dən ayrıla bilər

İspaniya "Real Madrid"inin futbolçusu Serxio Ramos yayda komandadan ayrıla bilər.

"Report" "Marca"ya istinadən xəbər verir ki, 33 yaşlı müdafiəçi "kral klubu"nu tərk edərək başqa bir Avropa klubunda karyerasını davam etdirməyi düşünür. Hazırda kapitanla İngiltərə "Mançester Yunayted"i və Fransa PSJ-si maraqlanır.

Mövsüm başa çatandan sonra Ramosun klubla, xüsusilə Madrid təmsilçisinin prezidenti Florentino Pereslə münasibəti pisləşib.

Qeyd edək ki, Serxio Ramos 2005-ci ildən "Real Madrid"də çıxış edir.