![Koronavirusun artdığı rayonlarda son vəziyyət - Deputatlar danışdı](https://ens.az/images/news/229ab4090ae356b1ad02a9157faefb85.jpg)
Koronavirusun artdığı rayonlarda son vəziyyət - Deputatlar danışdı
COVID-19 pandemiyasının ölkə üzrə statistikası dəyişir. Pandemiyanın ilk günlərində paytaxtda yoluxma halları daha çox müşahidə olunurdusa, son günlərin statistikası Yevlax, Şirvan, Ağcabədi kimi rayonları göstərir.
Ens.az Modern.az-a istinadən xəbər verir ki, həmin rayonların deputatları ilə əlaqə saxlayaraq son vəziyyəti öyrənməyə çalışıb.
46 saylı Şirvan seçki dairəsinin deputatı İltizam Yusifov bildirib ki, vaxtaşırı rayon rəhbərliyi ilə əlaqə saxlayır:
“Koronavirus pandemiyasının yayılmasının və törədə biləcəyi fəsadların qarşısının alınması məqsədilə şəhər ərzisində zəruri və qabaqlayıcı tədbirlər davam etdirilir. Şəhərdə mütəmadi olaraq dezinfeksiya işləri aparılır. Demək olar ki, şəhər camaatı karantin rejiminə əməl edir. Eyni zamanda, əhali arasında da maarifləndirmə işləri aparırıq. Bununla yanaşı, şəhərdə 4 nəfərdə koronavirus aşkarlanıb. Şirvan şəhərinin deputatı olaraq vaxtaşırı icra başçısı ilə əlaqə saxlayır, son durumu öyrənirəm. İnsanların nəyə ehtiyacı varsa, onları da yerinə yetirməyə çalışırıq”.
82 saylı Ağcabədi seçki dairəsinin deputatı Tahir Rzayev də rayonla daimi əlaqədə olduğunu deyib:
“Koronavirus pandemiyasının ilk günlərində vəziyyət çətin idi. Rayonda tibbi maska qıtlığı vardı. Artıq bu cür məsələlər aradan qaldırılıb. Seçicilərim nə köməklik lazımdısa, əlaqə saxlayır və fikirlərini bildirirlər. Mən də rayonun deputatı olaraq hər bir seçicimə kömək etməyə çalışıram. Rayon rəhbərliyi ilə əlaqə saxlayıb ümumi vəziyyəti müzakirə edirik. Şükürlər olsun ki, rayonda qorxulu vəziyyət yoxdur. Hər bir kəs qaydalara riayət edir”.
Şərhlər
Şərhləri göstər Şərhləri gizlət