Kris Rayt: Hörmüz boğazından gün ərzində 20 milyon barel neft daşınıb

Son gün ərzində Hörmüz boğazından təqribən 20 milyon barel neft daşıyan 72 kommersiya gəmisi keçib.

"Report" "Reuters"ə istinadən xəbər verir ki, bu barədə ABŞ-nin energetika naziri Kris Rayt Nyu-Yorkda keçirilən Qlobal Enerji Forumunda bildirib.

"Son 24 saat ərzində təxminən 72 gəmi və 20 milyon barel neft", - nazir deyib.

Xatırladaq ki, Rayt iyunun 22-də Hörmüz boğazı ilə neft və qaz tədarükünün həcminin müharibədən əvvəlki göstəricilərə qayıtdığını bildirib.