![“Kubinka”da söküntü işləri ilə bağlı problem yaranıb – 3500 manat…](https://ens.az/images/news/kubinkada-sokuntu-isleri-ile-bagli-problem-yaranib-3500-manat.jpg)
“Kubinka”da söküntü işləri ilə bağlı problem yaranıb – 3500 manat…
Bakıda Nəsimi rayonu ərazisində “Kubinka” adlanan ərazidə aparılan söküntü işləri ilə bağlı problem yaranıb.
Redaktor.az xəbər verir ki, buna səbəb yerli sakinlərin sökülən evləri qarşılığında daha çox kompensasiya tələb etməsidir.
Belə ki, söküntünü icra edən şirkət sakinlərlə 3 min manat kompensasiya məbləğində razılaşıb. Bir çox sakin də bu təklifi qəbul edərək razılıq ərizəsi imzalayb. Lakin bəzi sakinlər kompensasiya məbləğinin artırılaraq 3500 manat olmasını tələb ediblər. Bundan sonra isə şirkət həm söküntü işlərini, həm də kompensasiya verilməsini dayandırıb.
Qeyd edək ki, Nazirlər Kabinetinin qərarına əsasən, hazırda “Kubinka”da pilot layihə çərçivəsində hissə-hissə söküntü işləri aparılır, artıq 4 iri layihə icra olunaraq yekunlaşmaq üzrədir. Sökülən evlərə kompensasiya ödənilməsi isə bu ərazidə tikinti işləri aparan şirkətlərlə sakinlər arasında razılaşdırılır.
Kompensasiya istəyən şəxslərə yerində ödəniş edilir, mənzil istəyən sakinlərə isə 20 kvadrat metr əlavə sahəsi olan mənzil təklif olunur (BAKU.WS)
Şərhlər
Şərhləri göstər Şərhləri gizlət