Lukashenko və 31 Belarus rəsmisi bu ölkəyə girişi qadağan edilənlər siyahısına daxil edildi
Litva Xarici İşlər Nazirliyi, Belarus Prezidenti Aleksandr Lukashenko və 31 Belarus rəsmisini girişi qadağan edilənlər siyahısına daxil etdi. Ens.az bildirir ki, müvafiq siyahı Litva Daxili İşlər Nazirliyinə təsdiq üçün təqdim olunub.
Litva Xarici İşlər Nazirliyinin başçısı Linas Linkeviçyus, siyahıya yalnız OMON, KQB və Belarusiya Mərkəzi Seçki Komissiyasının rəsmilərinin daxil olduğunu qeyd edərək, sanksiyalara məruz qalan digər vəzifəli şəxslərin adlarını açıqlamayıb.
Linkeviçyus Litvanın Belarusiyadakı etirazçılara qarşı "zorakılıq və həddindən artıq güc tətbiq edənlərə", "bu hərəkətlərə cavabdeh qurumların rəhbərlərinə qarşı, habelə seçkiləri saxtalaşdıranlara qarşı" sanksiya tətbiq etmək üçün "Avropa Şurasının qətiyyətini" dəstəklədiyini bildirib. ...
Avqustun 19-da AB-yə üzv ölkələr təcili sammit keçirərək Belarusdakı prezident seçkilərinin nəticələrini tanımamaq qərarı verdilər. AB, həmçinin etirazçıları dağıtmasına və qanunsuz prezident seçkilərinə görə Belarus rəsmilərinə qarşı sanksiyalar elan etdi.
Belarusiya Mərkəzi Seçki Komissiyasının məlumatına görə, Aleksandr Lukaşenko 80%, müxalifət namizədi Svetlana Tixanovskaya isə təxminən 10% səs toplayıb. Açıqlanan nəticələrə görə, avqustun 9-dan etibarən Belarusida kütləvi etiraz aksiyaları keçirilməkdədir.
Mənbə: tvrain.ru
Şərhlər
Şərhləri göstər Şərhləri gizlət