Londonda güclü yanğın: hava limanı bağlandı
Londondakı Hitrou hava limanı yaxınlığında yerləşən elektrik yarımstansiyasında güclü yanğın baş verib. Nəticədə hava limanı müvəqqəti bağlanıb.
Ens.az Axar.az-a istinadən xəbər verir ki,bu barədə hava limanının mətbuat xidməti sosial şəbəkədə məlumat yayıb.
İlkin məlumata görə, Hitrou yerli vaxtla 21 mart 23:59-dək fəaliyyətini dayandıracaq.
Sərnişinlərə rəsmi elan verilmədən hava limanına yollanmamaq tövsiyə olunub.
“SkayNyus”un məlumatına görə, yanğın hava limanından 2,4 km məsafədə baş verib. Hadisə nəticəsində bir neçə min bina işıqsız qalıb. Yanğının söndürülməsinə on texnika və təxminən 70 yanğınsöndürən cəlb olunub. Təhlükəsizlik tədbirləri çərçivəsində təxminən 150 nəfər təxliyə edilib.
Hadisə aviasiya sektoruna da təsir edib. Hitrouya eniş etməli olan 120-dən çox təyyarə məcburi marşrut dəyişdirib.
Qeyd edək ki, Hitrou Avropanın ən işlək hava limanı hesab olunur.
Şərhlər
Şərhləri göstər Şərhləri gizlət