Makqreqor milyonlarla pul itirdi

Keçmiş UFC çempionu Konor Makqreqorun “McGregor Sports and Entertainment Ltd” kompaniyası son illər ərzində bir milyon avrodan çox məbləğdə ziyana düşüb. “Qafqazinfo”nun məlumatına görə, bu barədə “BJPenn” saytı yazıb.

Belə ki, iki il əvvəl kompaniya 471 min avro itirdiyi haqda məlumat vermişdi. Bir ildən sonra isə ziyanın məbləği 355 min avrodan 664 min avrodayadək qalxıb.

Makqreqor “McGregor Sports and Entertainment Ltd”nin əsasını beş il əvvəl qoyub. Kompaniya idman menecmenti, reklam müqavilələri və digər məsələlərə məşğul olur.

Kompaniya rəhbərliyi, dəyən ziyana baxmayaraq, yaxın illərdə gəlir əldə edəcəyini gözləyir və optimistliyini itirmir. Həm də ki, irlandiyalının itkisi o qədər də çox deyil. KİV onun var-dövlətini 47-110 miyon dollar məbləğində dəyərləndirir. Eləcə də idmançının əsas biznesi – viski alqı-satqısı böyüyür. Fəaliyyətinin təkcə birinci ili ərzində bu aktiv idmançıya bir milyon dollar qazandırıb.