Makron Rusiyanın Fransaya mümkün hücumlarına dair iddialara münasibət bildirdi

Fransa Prezidenti Emmanuel Makron ABŞ Mərkəzi Kəşfiyyat İdarəsinin (MKİ) Rusiyanın dronlar vasitəsilə hücumlar hazırlaması barədə ölkə hökumətini məlumatlandırması ilə bağlı iddiaları təkzib edib.

“Ens.Az” “Oxu.Az”a istinadən xəbər verir ki, bu barədə o, "France 2" telekanalının efirində bildirib.

"Biz bu məlumatı təkzib edə bilərik. MKİ Fransa xüsusi xidmət orqanlarını bu cür hücum barədə məlumatlandırmayıb", - deyə Fransa lideri bəyan edib.

Prezident, həmçinin əlavə edib ki, Almaniyanın Leypsiq şəhərində yerli hava limanının uçuş-enmə zolağında Ukraynaya məxsus "An" yük təyyarəsinin yanında əldəqayırma partlayıcı qurğu ilə təchiz olunmuş PUA-nın aşkar edilməsi kimi insidentlər Fransada hələ ki, baş verməyib.