Maradonadan ağır xəstəliyə tutulması ilə bağlı yayılan xəbərlərə reaksiya

Maradonadan ağır xəstəliyə tutulması ilə bağlı yayılan xəbərlərə reaksiya

Dünya futbolunun canlı əfsanəsi Diqeo Maradona daha heç yerdə işləmir. Axırıncı dəfə çalışdığı Meksikanın “Dorados” klubu ilə xəstəliyi üzündən yollarını ayırdığı deyilirdi.

Bizimyol.info xəbər verir ki, Maradona deyilənləri təkzib edib. Hamının yalan danışdığını söyləyib: “Altsheymer xəstəliyindən danışırlar, halbuki bunun nə olduğunu bilmirlər”.

Maradona jurnalistləri yalan xəbər yaymaqda ittiham edib. Argentinalı deyir ki, belə xəstələr dünyanı tez tərk edir, amma onun hələ ölmək fikri yoxdur.

İndi dünyada 26 milyon insan Altsheymer xəstəliyindən əziyyət çəkir. Xəstələr əvvəlcə yaddaşını itirir. Sonra nitq problemi yaranır. Növbəti mərhələdə isə idrak imkanları məhdudlaşır. Çox çəkmir ki, xəstə həyatını itirir.