Məktəbəhazırlıq qruplarına qeydiyyatdan keçməyənlərin nəzərinə

Məktəbəhazırlıq qruplarına qeydiyyatdan keçməyənlərin nəzərinə

2020-2021-ci tədris ilində məktəbəhazırlıq qruplarına uşaqların qəbulu https://mektebeqebul.edu.az/az/ elektron sistemi vasitəsilə həyata keçirilir. Ərizələrin onlayn qeydiyyatı ölkə üzrə bütün şəhər və rayonları əhatə edir.

Ens.az xəbər verir ki, Təhsil Nazirliyindən Modern.az-a bildirilib ki, məktəb seçimi ilə əlaqədar elektron sorğu yerləşdirmə prosesi sentyabrın 14-də yekunlaşır.

Xatırladaq ki, avqustun 18-dən dövlət ümumtəhsil müəssisələrinin məktəbəhazırlıq qruplarına elektron qeydiyyat prosesinə başlanılıb. 2020-2021-ci dərs ilində məktəbəhazırlıq qruplarına 2015-ci ildə anadan olmuş uşaqlar cəlb olunur.

Qruplar ölkənin bütün şəhər və rayonlarında fəaliyyət göstərəcək. Məktəbəhazırlıq qruplarında təhsil icbari xarakter daşımır. Bu qruplar dövlət vəsaiti hesabına müvafiq təlim və metodiki vəsaitlərlə təmin edilir.