Məktəblərdə işləyən qeyri-müəllimlərin də maaşları artacaq

Məktəblərdə işləyən qeyri-müəllimlərin də maaşları artacaq

Ölkədə minimum əməkhaqqının artması ilə əlaqədar məktəblərdə işləyən qeyri-müəllimlərin də maaşlarında artım olacaq.

Femida.az-ın məlumatına görə, bunu Təhsil Nazirliyinin Aparat rəhbərinin müavini Fərzəli Qədirov bildirib.

Onun sözlərinə görə, məktəblərdə müəllimlərlə yanaşı, 100 minə yaxın müəllim olmayan işçi işləyir:

“Həmin işçilərin də əməkhaqlarında artım olacaq. Ancaq onların hansı həcmdə əməkhaqqı alacağını demək mümkün deyil, çünki hökumət tərəfindən vahid tarif cədvəli təsdiq ediləcək və o, icra üçün göndəriləcək. Bundan sonra konkret şəkildə deyə biləcəyik ki, müəllim işləməyən digər işçilərin əməkhaqları nə qədər artacaq”.