Merkeldən çağırış: Mübahisə etməyin, müzakirə aparın!

Seçkilərdən sonra yenidən uzlaşmanın təmin oluna biləcəyi şərait formalaşdırılmalıdır. Ümid edirəm ki, bu, mümkün olacaq.

Ens.az Axar.az-a istinadən xəbər verir ki, bunu Almaniyanın sabiq kansleri Angela Merkel bildirib.

O, seçkilərin yaxınlaşdığı bir şəraitdə siyasi partiyalara gərginlik əvəzinə müzakirələr aparmaq barədə çağırış edib.

Qeyd edək ki, ötən həftə Xristian Birlik Partiyalarının kansler vəzifəsinə namizədi Fridrix Merts miqrasiya siyasətinin sərtləşdirilməsinə dair təkliflərini və qanun layihəsini Bundestaqda səsverməyə təqdim etmişdi. AfD səsvermədən əvvəl təklifin və qanun layihəsinin lehinə səs verəcəyini açıqlamışdı. Fridrix Mertsin əvvəllər dəfələrlə verdiyi açıqlamaların əksinə, AfD ilə əməkdaşlıqdan imtina etməməsi ciddi müzakirələrə yol açmışdı. Səsvermədə təklif qəbul edilsə də, qanun layihəsi qəbul olunmadı. Angela Merkel isə açıqlama verərək, Fridrix Mertsin bu addımının yanlış olduğunu açıqlamışdı.