Məsafədən göstərilən xidmətlərə artan tələb -ƏN ÇOX HANSI SEKTOR İNKİŞAF ETDİ?

Karantin, məsafədən təmin edilə bilən xidmətlər bazarının əhəmiyyətli artıma səbəb oldu. İnsanların ünsiyyətində koronavirusla əlaqəli məhdudiyyətlər müxtəlif bazar sektorlarının inkişafına səbəb oldu.
 Ens.az  Fins.az-a  istinadən xəbər verir ki, onların sırasında teletibbiyyə sahəsini qeyd etmək olar ki, bu sahə əsasən kommersiya əsasında fəaliyyət göstərir. Bu xidmətdən istifadə edən pasientlərin nə qədər tez inamı artacaqsa, bir o qədər bu sahə inkişaf edəcək. Bəzi istehlakçılarda isə xəstəxanaya baş çəkmək əvəzinə teletibbiyyədən istifadə vərdişi yaranacaq.
Çində, daha sonra isə başqa ölkələrdə güclü inkişaf əldə edən istiqamət - distant təhsildir. Önümüzdəki aylarda İnternetə məcburi şəkildə keçid, bir çox müəllim və valideynlərə təhsildə müasir həll yollarından istifadə etməyi öyrədəcək. Sonradan onlar gündəlik təhsil prosesinin ayrılmaz hissəsinə çevriləcək.
Pandemiyadan ən çox zərər çəkən sektorlardan biri olan turizmin də onlayna keçəcəyi istisna deyil. Söhbət onlayn bilet satışlarından və turların onlayn bronlama xidmətlərinin inkişaf edəcəyindən gedir.
Bank sektoru da onlayn rejimə keçidi sürətləndirmək məcburiyyətində qalacaq. Belə ki Rusiyanın Elektron Pul Assosiasiyası Mərkəzi Banka pandemiya zamanı vətəndaşların bank filiallarına baş çəkmədən video bağlantı vasitəsilə hesabların və fərdi e-cüzdanların açmalarına icazə verməyi təklif edib. Mərkəzi Bankın bu müraciətə necə cavab verəcəyi hələ məlum deyil. Hazırda Rusiyada bank əməliyyatlarının 90%-dən çoxu artıq qaydada həyata keçirilir.

Mənbə: