Məşhur futbolçu "Bavariya"nın səfiri təyin olundu
Almaniya "Bavariya"sının sabiq futbolçusu Klaudio Pisarroya klubda vəzifə verilib.
"Report"un "Bild" nəşrinə istinadən məlumatına görə, perulu veteran hücumçu Münhen təmsilçisinin səfiri təyin olunub.
Son 2 mövsümü Bundesliqanın digər klubu "Verder"də keçirən 42 yaşlı Pisarro bu yay peşəkar karyerasını başa vurub.
Qeyd edək ki, keçmiş forvard "Bavariya"nın heyətində 6 dəfə Almaniya çempionu, 5 dəfə isə ölkə kubokunun qalibi olub.
Şərhlər
Şərhləri göstər Şərhləri gizlət