MHŞ-də icra hakimiyyəti orqanları nümayəndələrinin sayı azaldılmasına dair layihə I oxunuşda qəbul edilib
Məhkəmə-Hüquq Şurasında (MHŞ) icra hakimiyyəti orqanları nümayəndələrinin sayı azaldılması barədə layihə I oxunuşda qəbul edilib.
"Ens.az" “Report”a istinadla xəbər verir ki, bu, Milli Məclisin bu gün keçirilən iclasında birinci oxunuşda müzakirəyə çıxarılan "Məhkəmə-Hüquq Şurası haqqında” qanun layihəsində əksini tapıb.
Layihə Azərbaycan Respublikasının Prezidenti tərəfindən məhkəmə-hüquq sistemində həyata keçirilən islahatların davam etdirilməsini nəzərdə tutur.
Belə ki, layihə məhkəmə sisteminin müstəqilliyinin daha səmərəli şəkildə təmin edilməsi məqsədilə Məhkəmə-Hüquq Şurasının, habelə Hakimlərin Seçki Komitəsinin formalaşdırılması qaydalarının təkmilləşdirilməsi üçün hazırlanıb. Sənədə əsasən, Məhkəmə-Hüquq Şurasının icra hakimiyyəti orqanlarının nümayəndələrinin sayı azaldılmaqla, Şuranın hakim üzvlərinin sayının artırılması təklif edilir.
Şərhlər
Şərhləri göstər Şərhləri gizlət