Millimiz Slovakiyaya qarşı

Bakıda futzal üzrə DÇ-2020-nin seçmə mərhələsinin oyunları bu gün başa çatacaq.

"Qafqazinfo" xəbər verir ki, Azərbaycan millisinin bu günki rəqibi Slovakiya olacaq. İlk iki turda müvafiq olaraq Moldova və Monteneqroya qalib gələn millimiz elit-raund mərhələsinə vəsiqəni təmin edib. Ancaq Joze Alesionun komandası qrupda birinci yeri tutmaq və elit-raunda qrup lideri kimi yollanmaq üçün Slovakiyaya qalib gəlməlidir.

20:00 Slovakiya – Azərbaycan
Bakı, Əl oyunları İdman sarayı

Qeyd edək ki, elit-raund mərhələsinin püşkatması noyabrın 7-də baş tutacaq.