Misir Mərdanovun qardaşı “Azərişıq”da vəzifəyə təyin olunub

Şabran Rayon Polis İdarəsinin keçmiş rəisi Əli Mərdanov “Azərişıq” ASC-də vəzifəyə təyin olunub.

APA-nın şimal bürosunun verdiyi məlumata görə, Ə.Mərdanov “Azərişıq” ASC-nin Qusar Elektrik Şəbəkəsinin rəisi təyin olunub. 

Qeyd edək ki, Ə.Mərdanov daxili işlər orqanlarında yaş həddi ilə əlaqədar təqaüdə göndərilib. O, keçmiş təhsil naziri Misir Mərdanovun qardaşıdır.