Moskvaya PUA hücumunda “İsrail izi” aşkarlandı

Kiyevin PUA ilə Krımın hərbi hədəflərinə birgə zərbəsində, eləcə də Moskvaya dron hücumunda İsrail istehsalı olan cihazlara bənzəyən elementlər aşkarlanıb. 

Ens.az Axar.az-a istinadən xəbər verir ki, bunu rusiyalı hərbi tarixçi və Hava Hücumundan Müdafiə Qoşunları Muzeyinin direktoru Yuri Knutov deyib.

O bildirib ki, dronlardan birinin qalıqlarının əldə edilən görüntüləri əsasında belə nəticələr çıxarmaq olar:

“İsrail bir vaxtlar hava hücumundan müdafiə sistemləri ilə mübarizə aparmaq üçün PUA, həmçinin kamikadze PUA-ları hazırlayıb. Yeganə fərq - orada arxa qanadlar, deyək ki, bundan daha üçbucaqlı idi. Ancaq xüsusiyyətlərə baxsanız, uçuş məsafəsi 1000 km-dir. Ukraynanın “Qunduz” pilotsuz təyyarələri bir çox cəhətdən İsrail cihazları ilə oxşar xüsusiyyətlərə malikdir, onların uçuş məsafəsi də min kilometrdir. Görünür, Ukraynaya kömək edən israillilər olub və ya onların razılığı ilə bəzi elementlər PUA-ya köçürülüb”.