Müharibə veteranı Gülnigar Rəhimova: "Ərimlə ailə quranda başqasını sevirdim"

"O vaxtlar" verilişinin yeni buraxılışı yayımlanıb.

Ens.az Oxu.az-a istinadən xəbər verir ki, verilişin budəfəki sayında şairə, jurnalist, müharibə veteranı Gülnigar Rəhimova keşməkeşli həyat yolundan bəhs edib.

Gənc yaşda ailə qurduğunu söyləyən G.Rəhimovanın sözlərinə görə, həyat yoldaşı ilə sevmədən evlənib:

"Mən başqasını sevirdim, onunla bir-birimizə söz vermişdik. Sevdiyim adama "instituta girim, evlənərik" demişdim. Amma yoldaşım məni qaçırdı. Gürcüstana gəlin köçdüm, 18 yaşımı orada qeyd etdik. İki ildən sonra isə övladım dünyaya gəldi".

Şairə bildirib ki, əri övladları doğulduqdan sonra uşağını onun əlindən alıb:

"Qızımı dünyaya gətirəndə vəziyyətim pisləşdi, əməliyyat olundum. Bu zaman yoldaşım da balamı aparıb analığına verdi, onun adına keçirdi. Bunu mənə dediklərində inana bilmədim. Xəstəxanadan evə gəldim, payla yoldaşımın evinə getdim. Orada uşağımı məndən gizlədərək "biz sənə onu verməyəcəyik" dedilər. Mən ərimdən ayrılmamışdım, amma o, başqa qadınla birlikdə yaşayırdı. Daha sonra məhkəmə oldu, övladımı mənə verdilər".

Bir daha ailə qurmadığını bildirən G.Rəhimova övladını tək başına böyütdüyünü söyləyib.

"Qadının heç vaxt rahatlığı olmur. Qadın o zaman rahatlıq tapar ki, yaxşı qazanan əri olsun, evə hər şeyi alıb gətirsin. Mən ömrüm boyu qaçaqaçda olmuşam", - deyə o sözlərinə əlavə edib.

Ətraflı Baku TV-nin süjetində: