NATO işə qarışdı: Ər-Riyaddakı danışıqların tam müzakirəsi bu tarixdə olacaq

Rusiya, ABŞ və Ukrayna nümayəndə heyətləri arasında Ər-Riyadda keçirilən danışıqların nəticələrinin tam müzakirəsi aprelin 3-də NATO xətti ilə baş tutacaq.

Ens.az Teleqraf.Az-a istinadən xəbər verir ki,bu barədə Fransa Xarici İşlər Nazirliyinin mətbuat xidməti məlumat yayıb.

Bildirilib ki, Fransanın xarici işlər naziri Jan-Noel Barrot ABŞ Dövlət katibi Marko Rubio ilə sözügedən danışıqların nəticələrini müzakirə ediblər.

"ABŞ dövlət katibi Ər-Riyadda keçirilən görüşdə əldə olunan irəliləyiş, ilk növbədə Qara dənizdə atəşkəslə bağlı prinsipial razılaşma, eləcə də qalan çətinliklər barədə məlumat verib. O qeyd edib ki, NATO nazirlərinin aprelin 3-də keçiriləcək görüşü vəziyyətin tam təhlili üçün imkan yaradacaq", - nazirliyin bəyanatında bildirilib.

Barrot öz növbəsində Rubioya Rusiyadan, xüsusən də enerji infrastrukturuna zərbələrlə bağlı öhdəliklər almağın vacibliyinə işarə edib.

Martın 27-də Parisdə 30-a yaxın ölkənin nümayəndələrinin iştirakı ilə sammit keçirilir. Burada Ukrayna münaqişəsi başa çatdıqdan sonra Kiyev üçün mümkün təhlükəsizlik təminatlarının müzakirəsi planlaşdırılır. Əsas mövzulardan biri Ukrayna ərazisinə hərbi kontingentin yerləşdirilməsi idi. Sammitdə ABŞ iştirak etmir.