Navalnıyın bədənində “Noviçok” tapılması ilə bağlı Rusiyadan açıqlama

Navalnıyın bədənində “Noviçok” tapılması ilə bağlı Rusiyadan açıqlama

Rusiya Xarici İşlər Nazirliyi Aleksey Navalnıy barədə qərb ölkələrinin iddialarına cavab verib.

Yeniavaz.com “TASS”a istinadla xəbər verir ki, Almaniya rusiyalı müxalifətçi Navalnıyın bədənində sinir sistemini iflic edən “Noviçok” adlı zəhərli maddənin tapıldığını açıqlayıb. Bu iddia ilə bağlı Rusiya Xarici İşlər Nazirliyinin açıqlamasında deyilir:

“Qərbdə “Noviçok” adlanan zəhərli sinir agentlərinin ölkəmizdə inkişaf etdirildiyi barədə yalan iddialarla əlaqədar aşağıdakıları xatırlamalıyıq. İllər ərzində bir çox Qərb ölkəsində və NATO-nun ixtisaslaşmış qurumları bu geniş kimyəvi ailəni təşkil edən maddələr üzərində işləyir. Xüsusilə ABŞ, bu istiqamətdə geniş işlər görməyə başlayıb”.