“Naxçıvan Lift Xidməti” publik hüquqi şəxsi yaradılıb

Naxçıvan Muxtar Respublikası Ali Məclisinin Sədri Vasif Talıbov dekabrın 12-də “Naxçıvan Lift Xidməti” publik hüquqi şəxsin yaradılması haqqında Sərəncam imzalayıb.

APA-nın məlumatına görə, sərəncama əsasən, Naxçıvan Şəhər Lift Təmiri və İstismarı İdarəsinin əsasında “Naxçıvan Lift Xidməti” publik hüquqi şəxsi yaradılıb.

Naxçıvan Muxtar Respublikasının Nazirlər Kabineti bu sərəncamın 1-ci hissəsində nəzərdə tutulan publik hüquqi şəxsin nizamnaməsini və ştat strukturunu təsdiq etməli, sərəncamdan irəli gələn digər məsələləri həll etməlidir.