![Nazirlər Kabineti bağçaların açılmasına QƏRAR VERDİ](https://ens.az/images/news/modern.az_1511173561_dsc_0405_820.jpg)
Nazirlər Kabineti bağçaların açılmasına QƏRAR VERDİ
Nazirlər Kabineti yanında Operativ Qərargahın qərarına uyğun olaraq 1 oktyabr 2020-ci il tarixindən Bakı, Sumqayıt şəhərləri və Abşeron rayonu üzrə, 15 sentyabr 2020-ci il tarixindən isə yerdə qalan rayon və şəhərlərdə fəaliyyət göstərən dövlət və özəl uşaq bağçalarının fəaliyyətinə icazə verilib.
Ens.az Modern.az-a istinadən xəbər verir ki, bu barədə Nazirlər Kabineti yanında Operativ Qərargahın bağçaların açılmasına dair məlumatında qeyd edilib.
Nazirlər Kabinetinin bu gün imzalanan 330 №li Qərarına əsasən, Bakı, Sumqayıt şəhərləri və Abşeron rayonunda bağçaların bir qədər gec, 1 oktyabr 2020-ci il tarixindən açılmasının səbəbi əhalinin sayı və sıxlığının daha yüksək olmasıdır:
“Bu, həm də bağçalarda müvafiq hazırlıq işlərinin görülməsi, dezinfeksiya işlərinin aparılması üçün daha uzun müddətin tələb olunması ilə əlaqəlidir.
Eyni zamanda, bu müddətdə bağça tərbiyəçiləri və texniki işçilər bağçaların yeni qaydalarla açılması və idarə edilməsinə dair təlimatlandırılacaq, oyun, yataq və digər otaqlar xüsusi qaydalarla təşkil olunacaqdır.
Uşaq bağçalarının açılması zamanı müvafiq sanitar-gigiyenik qaydaların təmin edilməsi vacib şərtdir”.
Bu qərar 2020-ci il noyabrın 2-dək qüvvədədir.
Şərhlər
Şərhləri göstər Şərhləri gizlət