Nəhayət, Rusiya İrəvanı birbaşa ittiham etdi
Rusiya rəsmi İrəvanın Laçın yolu ətrafında vəziyyətin qarşılıqlı məqbul həll yollarının axtarışına töhfə verməsini prinsipial olaraq vacib sayır.
Axar.az xəbər verir ki, bunu Rusiya XİN nümayəndəsi Mariya Zaxarova deyib.
“Rusiya Laçın yolu ətrafında yaranmış vəziyyətin nizamlanması və onun üçtərəfli razılaşmaların əsas axınına qaytarılması üçün lazımi səylər göstərir. Həm hadisə yerində, həm də siyasi səviyyədə Rusiya sülhməramlı kontingenti vasitəsilə addımlar atılır. Biz rəsmi İrəvanın qarşılıqlı məqbul həll yollarının axtarışına töhfə verməsini prinsipial olaraq vacib hesab edirik”, - o bildirib.
Qeyd edək ki, Rusiya XİN 10 noyabr 2020-ci il bəyanatı ilə üzərinə götürdüyü öhdəliklərə Ermənistanın əməl etmədiyinə eyham vurur.
Şərhlər
Şərhləri göstər Şərhləri gizlət