Netanyahu: "İsrail ABŞ-dən silah asılılığına son qoymalıdır"

"İsrail silah təminatı sahəsində ABŞ-dən asılılığından qurtulmalı və özünün müstəqil hərbi istehsalını qurmalıdır".

Oxu.Az TASS-a istinadən xəbər verir ki, bunu İsrailin Baş naziri Benyamin Netanyahu deyib.

"Mən silah sahəsində müstəqil olmağımızı istəyirəm. ABŞ-li dostlarımızın dəstəyini yüksək qiymətləndirirəm, lakin biz bu asılılıqdan azad olmalı və öz müstəqil silah istehsalımızı formalaşdırmalıyıq. Öz silahlarımızı özümüz istehsal etməliyik", - deyə Netanyahu bildirib.

Netanyahu diqqətə çatdırıb ki, İsrail hazırda İran və onun himayəsində olan qüvvələrlə qarşı-qarşıyadır:

"Biz onlara zərbələr endirdik, bu hələ son deyil, lakin hər şey bizim qüdrətimizdən asılıdır. 30 ildən sonra hansı mövqedə olacağımız da məhz gücümüzə bağlıdır. Buna görə də hazırda atdığımız addımlar nəhəng bir hərbi gücün yaradılmasına xidmət edir".

Xatırladaq ki, mayın 3-də Netanyahu, İsrailin öz silah istehsalı gücünü inkişaf etdirmək məqsədilə qarşıdakı 10 il ərzində müdafiə büdcəsini 350 milyard şekel (təxminən 115 milyard dollar) artıracağını açıqlamışdı.