Netanyahu Zelenski ilə görüşdən imtina edib

İsrailin Baş naziri Benyamin Netanyahu ABŞ-ın paytaxtı Vaşinqtona səfəri çərçivəsində Ukrayna Prezidenti Vladimir Zelenski ilə planlaşdırılan görüşü keçirməyib.

"Haaretz" qəzetinin mənbələrə istinadən yaydığı məlumata görə, Zelenskinin administrasiyası görüşün təşkili üçün Netanyahunun ofisinə müraciət etsə də, bu müraciətə cavab verilməyib.

Nəşrin yazdığına əsasən, Ukrayna tərəfi əslində görüş təşəbbüsünün İsrail tərəfindən irəli sürüldüyünü bildirib. İddiaya görə, Kiyev bu təklifə razılıq verdikdən sonra görüş vaxt çatışmazlığı səbəbi göstərilərək ləğv edilib.

BiG.AZ  Haaretz-ə istinadən xəbər verir ki, məsələ ilə bağlı Netanyahunun ofisi açıqlama verməkdən imtina edib.

Qeyd edək ki, Benyamin Netanyahu və Vladimir Zelenski sonuncu dəfə 2023-cü ilin sentyabrında tamformatlı görüş keçiriblər. Həmin vaxtdan bəri iki lider arasında üzbəüz geniş tərkibli görüş baş tutmayıb.