Ölkəmizdə dünyanın ən uzun tunellərindən biri inşa olunur

Ölkəmizdə dünyanın ən uzun tunellərindən biri inşa olunur

Azərbaycanın işğaldan azad edilmiş ərazilərində 40-a yaxın avtomobil yolu inşa olunmaqdadır.

Ens.az xəbər verir ki, bunu Trend-ə "Proyapı" şirkətinin Azərbaycandakı idarəetmə heyətinin sədr müavini Akif Aygen deyib.

Onun sözlərinə görə, avtomobil tunellərinin əsas hissəsi Şuşa şəhəri istiqamətində inşa olunan yollarda cəmlənib.

"Gəncə şəhərini Kəlbəcərlə birləşdirəcək ən uzun tunelin uzunluğu 11 638 metrdir. Bu, dünyadakı ən uzun tunellərdən biri olacaq. İnşasının 2025-ci ilin sonunadək tamamlanması gözlənilir", - o deyib.

A.Aygen "Proyapı" şirkətinin Azərbaycanda avtomobil yollarının tikintisi və layihələndirilməsi sahəsində təqribən 50 layihə həyata keçirdiyini vurğulayıb.

Qeyd edək ki, Gəncə şəhəri ilə Kəlbəcəri birləşdirəcək avtomobil yolunda inşa olunan tunel Murovdağ silsiləsindən keçəcək. Tunelin təməli 21 avqust 2021-ci ildə qoyulub.