Onların da görüşünə hazırlıq görülür
“Kiyev və Vaşinqton artıq mənimlə Donald Tramp arasında ABŞ-nin 47-ci Prezidentinin andiçmə mərasimindən sonra baş tutacaq görüşlə bağlı hazırlıq işləri görür”.
“Qafqazinfo” “RBC Ukrayna”ya istinadən xəbər verir ki, bu barədə Ukrayna Prezidenti Volodimir Zelenski Polşanın Baş naziri Donald Tuskla keçirdiyi brifinqdə bildirib.
“Əlbəttə, inauqurasiyadan sonra. Artıq komandalarımız qarşıdan gələn görüşün məzmunu və formatı üzərində işləyir. Biz orada əsas məsələləri müzakirə edəcəyik, mən onlar haqqında ətraflı danışmayacağam, hələ tezdir”, - deyə dövlət başçısı bildirib.
Zelenskinin sözlərinə görə, Ukrayna üçün prioritet müharibəyə ədalətli şərtlərlə son qoymaqdır.
Xatırladaq ki, bir müddət əvvəl Tramp rusiyalı həmkarı Vladimir Putinlə də görüşə hazırlıq getdiyini bildirib.
Şərhlər
Şərhləri göstər Şərhləri gizlət