Paşinyan: "Azərbaycanla sülhdən sonra Rusiya ilə münasibətlər dəyişməlidir"

"Ötən dövr ərzində Ermənistan-Rusiya əlaqələrinə təsir göstərən ən mühüm amil Azərbaycan və Ermənistan arasındakı münaqişə olub".

Oxu.Az erməni KİV-ə istinadən xəbər verir ki, bunu Ermənistanın baş naziri Nikol Paşinyan BMT Baş Assambleyasının iclasındakı çıxışı zamanı bildirib.

"Rusiya ilə əlaqələrimiz hazırda keçid mərhələsini yaşayır və bu, tamamilə təbii bir prosesdir. Çünki əvvəlki bütün dövrlərdə bu münasibətlərə təsir edən ən əsas detal Ermənistan-Azərbaycan münaqişəsi idi.

Azərbaycanla sülhə nail olduğumuz indiki vaxtda Ermənistan və Rusiya münasibətlərində təbii olaraq dəyişikliklər baş verəcək, biz bu əlaqələrin qarşılıqlı hörmət və dostluq prinsipləri üzərində inkişaf etməsini istəyirik", - deyə Ermənistan lideri qeyd edib.