Ermənistanın baş naziri Nikol Paşinyan ermənilərin onun "Qarabağ hərəkatı"na son qoymaq qərarına müqavimət göstərəcəkləri təqdirdə respublikanın baş naziri olmayacağını bildirib.
Ens.az Oxu.az-a istinadən xəbər verir ki, bu barədə TASS məlumat yayıb.
"Ermənistan Respublikasının baş naziri kimi mən qərar qəbul etmişəm ki, "Qarabağ hərəkatı" davam etməməlidir. Əgər Ermənistan xalqı mənim qərarıma qarşıdırsa, o zaman mən Ermənistan Respublikasının baş naziri olmayacağam. Nə qədər ki, mən baş nazir olaraq qalıram, bu, Ermənistanın rəsmi mövqeyidir", - o bildirib.
"Qarabağ hərəkatı" 1988-ci ildə hələ Sovet İttifaqının tərkibində olan və ideoloji əsasında ölkənin 1991-ci ildə müstəqilliyini elan etdiyi Ermənistanda başlanmış hərəkat hesab olunur.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.