Peskov: "ABŞ-nin İran-İsrail münaqişəsinə müdaxiləsi onun coğrafiyasını genişləndirəcək"

Peskov: "ABŞ-nin İran-İsrail münaqişəsinə müdaxiləsi onun coğrafiyasını genişləndirəcək"

 

"ABŞ-nin İran-İsrail münaqişəsinə müdaxiləsi onun coğrafiyasının genişlənməsinə, eləcə də eskalasiyanın yeni fazasına gətirib çıxaracaq".

Oxu.Az-ın TASS-a istinadən xəbərinə görə, bu barədə Rusiya prezidentinin mətbuat katibi Dmitri Peskov bildirib.

"Bu, münaqişənin coğrafiyasının genişlənməsi deməkdir. Biz Tehrandan bəyanatlar eşidirik, yəni bu, eskalasiyanın növbəti dəhşətli fazası olacaq", - deyə Kreml nümayəndəsi qeyd edib.

Dmitri Peskov həmçinin bildirib ki, İsrail İranda "Buşehr" AES-də işləyən rusiyalı mütəxəssislərin təhlükəsizlikdə qalacağına söz verib.

"Elə dünən Rusiya Prezidenti Vladimir Putin xatırlatdı ki, İsrail ilə anlaşma var və "Buşehr"də işləyən mütəxəssislərimiz təhlükədə və zərbə altında olmayacaqlar", - deyə Kreml nümayəndəsi əlavə edib.