Pir Sultan Abdal - Açılın qapılar, şaha gedəlim

Pir Sultan Abdal - Açılın qapılar, şaha gedəlim

Xızır Paşa bizi berdar etmədən 
Açılın qapılar, şaha gedəlim!
Siyasət günləri gəlib yetmədən 
Açılın qapılar, şaha gedəlim!

Gönül çıxmaq istər şahm köşkünə,
Can boyanmaq istər Əli mişginə,
Pirim Əli on iki imam eşqinə 
Açılın qapılar, şaha gedəlim!

Her nerəyə getsəm yolum dumandır 
Bizi boylə qılan əhdü peymandır, 
Zəncir boynum sıxdı, halım yamandır 
Açılm qapılar, şaha gedəlim!

Yaz selləri kimi axar çağlaram,
Xəncər alıb ciyerləri dağlaram,
Qərib qaldım bu arada ağlaram 
Açılın qapılar, şaha gedəlim!

Pir Sultan Abdal der: mürvətli şahim! 
Yaram sızlar, baş oldu ciyərgahım. 
Ərşə dirək-dirək olmuşdur ahım 
Açılın qapılar, şaha gedəlim!