Portuqaliyalı cüdoçu yerə düşən telefona görə Bakı turnirindən uzaqlaşdırıldı

Bakıda keçirilən “Böyük dəbilqə” turnirində kuryoz hadisə yaşanıb. 

Oxu.Az xəbər verir ki, mobil telefon Portuqaliyanı təmsil edən Anri Equtidzenin yarışdan kənarlaşdırılmasına səbəb olub.

Belə ki, tatamiyə çıxan cüdoçunun kimonosundan gözlənilmədən mobil telefon düşüb.

A. Equtidzenin rəqibi olan isveçli idmançı dərhal hakimə müraiciət edib və nəticədə gürcü əsilli portuqaliyalı yarışdan kənarlaşdırılıb.