Premyer Liqa: 'Keşlə' 'Neftçi'ni məğlub edib
Futbol üzrə Azərbaycan Premyer Liqasında XI turun daha bir oyunu keçirilib.
"Report"un məlumatına görə, "ASCO Arena"da "Keşlə" "Neftçi"ni qəbul edib.
Gənc referi Vüqar Həsənlinin idarə etdiyi görüş meydan sahiblərinin qələbəsi ilə yekunlaşıb - 2:1.
Hesabı 45+1-ci dəqiqədə qonaq komandadan Donald Gerye vurub. Haitili legioner "Neftçi"də ilk qoluna imza atıb.
73-cü dəqiqədə Franko Flores cərimə zərbəsindən sonra Səlahət Ağayevin səhvindən yararlanaraq bərabərlik qolunu vurub. 82-ci dəqiqədə isə Sezar Meza Kolli cərimə zərbəsini dəqiq yerinə yetirib.
Bu qələbədən sonra xallarını 19-a çatdıran "Keşlə" 2-ci pilləyə yüksəlib. 18 xala malik "Neftçi" isə 3-cü pilləyə enib.
Şərhlər
Şərhləri göstər Şərhləri gizlət