![Prezidentin köməkçisindən Dilqəmlə Şahbaz barədə - açıqlama](https://ens.az/images/news/d50f2633e102ca9a1684544a23b2abc6.jpg)
Prezidentin köməkçisindən Dilqəmlə Şahbaz barədə - açıqlama
"Dilqəm Əsgərov və Şahbaz Quliyevin səhhəti ilə bağlı məsələ bilavasitə Beynəlxalq Qızıl Xaç Komitəsi vasitəsilə edilir. Bu BQXK-nın aidiyyatı yerli nümayəndəlikləri də bu prosesdə Azərbaycan Respublikasına dəstəkçi olurlar və müəyyən əlaqələndirməni, rabitəni həyata keçirirlər".
Ens.az Modern.az-a istinadən xəbər verir ki,bunu Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın mətbuat konfransında girovların koronavirus testindən keçirilməsilə bağlı sualı cavablandırarkən bildirib.
O qeyd edib ki, məhz pandemiya səbəbindən "hamının hamıya" prinsipinin tətbiq edilməsinə çalışılır:
"Təbii ki, Azərbaycanın çağırışı da ondan ibarətdir ki, məhz Covid-19 riskini, onun yaratdığı qlobal-humanitar fəlakəti nəzərə alaraq, humanist məramlardan çıxış edərək “hamının hamıya” prinsipi əsasında girovların dəyişdirilməsi həyata keçirilsin. ATƏT-in Minsk qrupunun həmsədrlərinə, aidiyyəti beynəlxalq təsisatlara, o cümlədən Beynəlxalq Qızıl Xaç Komitəsinə girovlarımızın səhhəti ilə bağlı, o cümlədən Covid-19-dan irəli gələn səhiyyə problemləri ilə bağlı müraciətlərimiz davamlı şəkildə edilir və bundan sonra da ediləcək”.
Şərhlər
Şərhləri göstər Şərhləri gizlət