Putin Ukraynanı təslim olmağa çağırdı

Putin Ukraynanı təslim olmağa çağırdı

Rusiya Prezidenti Vladimir Putin Ukrayna hakimiyyətinə Kursk vilayətində təslim olmağı təklif edib.

Ens.az Teleqraf.Az-a istinadən xəbər verir ki, bu barədə TASS məlumat yayıb.

V.Putin ABŞ prezidenti Donald Trampın müraciətinə cavab olaraq, belə mövqe nümayiş etdirib: “ABŞ-nin çağırışını yerinə yetirmək üçün Ukraynanın hərbi-siyasi rəhbərliyindən müvafiq əmr lazımdır – silahları yerə qoyaraq, təslim olsunlar. Əsirlikdə olan ukraynalı əsgərlərə toxunulmayacaq və onlarla yaxşı rəftar olunacaq”.

Qeyd edək ki, D.Tramp Rusiya Prezidentinə müraciət edərək, Kursk vilayətində mühasirədə olan Ukrayna hərbçilərini azad etməyi xahiş edib.