![Putinə yaxın dairələrdə casuslarımız var – Budanov](https://ens.az/images/news/putine-yaxin-dairelerde-casuslarimiz-var-budanov.jpg)
Putinə yaxın dairələrdə casuslarımız var – Budanov
Ukrayna Kremlin planlarından xəbərdardır, çünki kəşfiyyatımızın Rusiya Prezidenti Vladimir Putinə yaxın mənbələri var.
Ens.az Axar.az-a istinadən xəbər verir ki, bunu Ukrayna Müdafiə Nazirliyi yanında Kəşfiyyat Baş İdarəsinin rəisi Kirill Budanov deyib.
“Bizim mənbələrimiz var. Belə desək, kabinetə ən yaxın olanlardan. Ona görə də biz adətən nə baş verdiyini bilirik”, - Budanov bildirib.
O qeyd edib ki, Ukrayna kəşfiyyatı Rusiya Daxili İşlər Nazirliyinin sorğusunu ələ keçirib və nəticədə “Vaqner”in təsisçisi Yevgeni Priqojinin ölkə daxilində dəstəyi olduğunu öyrənib:
“Ukrayna 2014-cü ildən, Moskvanın Ukraynanın Krım yarımadasını ələ keçirməsindən sonra nəticə çıxarıb. Biz 2014-cü ildə informasiya müharibəsini tamamilə uduzduq. Və 2022-ci il müharibəsində hər şeyə tamamilə fərqli şəkildə yanaşdıq. İndi isə ruslar informasiya savaşında uduzurlar”.
Şərhlər
Şərhləri göstər Şərhləri gizlət