Qalib gəlmək çox çətin olacaq – Tramp seçkilərdən danışdı

ABŞ prezidenti Donald Tramp etiraf edib ki, 2026-cı ilin payızında keçiriləcək ara seçkilərdə Respublikaçılar Partiyasının Konqresin hər iki palatasında çoxluğunu qoruyub saxlaması çətin olacaq.

Ens.az Ölkə.az-a istinadən xəbər verir ki, Tramp bu barədə , "The Wall Street Journal" qəzetinə verdiyi müsahibədə danışıb: "Görəcəyik necə olacaq. Qalib gəlməliyik, amma statistik olaraq qalib gəlmək çox çətin olacaq. Əlimizdən gələni etməyə çalışacağıq".

Tramp həmçinin ABŞ üçün milyardlarla dollar investisiya təmin etdiyini, lakin "bu pulun nə vaxt özünü doğruldacağını" bilmədiyini deyib:  "Mən tarixin ən böyük iqtisadiyyatını qurmuşam, amma insanların bunu anlaması üçün yəqin ki, bir müddət lazım olacaq".

Qeyd edək ki, ABŞ Konqresi üçün ara seçkilər 3 noyabr 2026-cı ildə keçiriləcək. Nümayəndələr Palatasının hamısı (435 üzv) və senatorların üçdə biri (33 üzv) yenidən seçilmək üçün mübarizə aparır. Respublikaçılar hazırda hər iki palataya nəzarət edir.