"Qarabağ"dan ayrıldı, "Milan"a keçir

"Qarabağ"dan ayrıldı, "Milan"a keçir

"Qarabağ"dan ayrılan qapıçı Asmir Beqoviç İtaliyanın "Milan" klubuna keçə bilər.

Fanat.Az "MilanNews"a istinadən xəbər verir ki, müqavilə üzrə İngiltərə "Bornmut"una məxsus bosniya və herseqovinalı qolkiper Canluici Donnarummanın əvəzedicisi kimi nəzərdən keçirilir.

İddia olunur ki, 33 yaşlı oyunçu "Aston Villa"ya yollanan Pepe Reynanın yerinə alınacaq. "Qırmızı-qaralar"a ikinci qapıçı kimi Co Hart və Lukaş Fabianski də namizəd olduğu halda, Beqoviçə üstünlük verilib.

Qeyd edək ki, Asmir Beqoviç "Qarabağ"da mövsümün ilk yarısında forma geyinib. Onun "Bornmut"la müqaviləsi 2021-ci ilin iyununadəkdi.