"Qarabağ"ın keçmiş futbolçusu oyun zamanı huşunu itirib

"Qarabağ"ın keçmiş futbolçusu oyun zamanı huşunu itirib

"Krasnodar"ın yarımmüdafiəçisi Kadi Borxes Rusiya Premyer Liqasının 24-cü turunun "Spartak"la oyununda ciddi zədələnib.

Ens.Az "report"a istinadən bildirir ki, ikinci hissənin əvvəlində o, hava mübarizəsində "Spartak"ın müdafiəçisi Georgi Cikiya ilə toqquşub.

Kadi başını rəqibin çiyninə vuraraq yerə yıxılıb.

Bir neçə saniyə huşunu itirən futbolçunun dilini udmaması üçün ona ilkin tibbi yardımı Cikiya özü göstərib.

Bundan sonra Borxes özünə gəlsə də, görüşü davam etdirə bilməyib. Onu meydandan elektromobillə aparıblar.

Qeyd edək ki, 27 yaşlı braziliyalı futbolçu 2021-2023-cü illərdə "Qarabağ"ın formasını geyinib.