'Qəbələ'nin baş məşqçisi: “Şansları dəyərləndirə bilmədik”

'Qəbələ'nin baş məşqçisi: “Şansları dəyərləndirə bilmədik”

"Belə çətin olacağını bilirdik. Rəqib də fasilədən sonra ilk oyunda uduzmuşdu. Bu gün öz meydanında çıxış edirdi. Qış fasiləsində bəzi dəyişikliklər oldu. Yeni transferlər komandaya gec qoşulduğu üçün istədiyimiz oyunu sərgiləyə bilmirik. Amma komandanın potensialı var. İnanıram ki, uğurlu nəticələr əldə edəcəyik".

"Report"un məlumatına görə, bu fikirləri "Qəbələ"nin baş məşqçisi Elmar Baxşıyev Premyer Liqanın XVI turunda səfərdə "Sabah"a 2:3 hesabı ilə uduzduqları oyundan sonra mətbuat konfransında deyib.

40 yaşlı mütəxəssis bildirib ki, komandanın psixologiyası yerindədir: "Sadəcə qollarda ani diqqətsizlik oldu. Standart vəziyyətlərdən qollar buraxdıq. İlk hissədə yaxşı şanslarımız oldu. Amma dəyərləndirə bilmədik".