“Regionda hər zaman sabitliyin tərəfdarı olacağıq”

“Xalqlarımız arasında güclü dostluq əlaqələri mövcuddur”.

Ens.az Qafqazinfo.az-a istinadən xəbər verir ki,bunu Bakıda səfərdə olan Gürcüstanın xarici işlər naziri Maka Boçorişvili azərbaycanlı həmkarı Ceyhun Bayramovla birgə mətbuat konfransında deyib.

“Ölkələrimiz arasında tərəfdaşlıq və əməkdaşlıq çox intensivdir. Buraya həm siyasi, həm də iqtisadi sahələr daxildir”, - deyə gürcü nazir əlavə edib.

Onun sözlərinə görə, görüş zamanı iki ölkə üçün çox mühüm olan məsələlər müzakirə edilib: “Regionda önəmli rol oynayırıq və çox nümunəvi əlaqələrimiz var. Sevindirici haldır ki, Azərbaycan Gürcüstanın ən böyük 5 tərəfdaşı sırasındadır. İllər ərzində region üçün önəmli və tarixi layihələr icra etmişik”.

M. Boçorişvili qeyd edib ki, regionda baş verən hadisələr daha geniş miqyasda təhdidlər yaradır: “Bu fonda bizim əməkdaşlığımız çox mühümdür. Regionda hər zaman sülhün və sabitliyin tərəfdarı olacağıq”.

O, həmçinin C. Bayramovu Gürcüstana səfərə dəvət edib.