Rusiya Hərbi Dəniz Donanmasının tərkibində yeni qoşun növü yaradıldı

Rusiya Hərbi Dəniz Donanmasının (HDD) tərkibində pilotsuz sistemlər alaylarının formalaşdırılması prosesi başa çatıb.

Ens.az Oxu.az-a istinadən xəbər verir ki, bu barədə HDD-nin baş komandanı, donanma admiralı Aleksandr Moiseyev "Zvezda" telekanalının efirində bildirib.

Moiseyevin sözlərinə görə, pilotsuz sistemlər alayları iyulun 1-dən etibarən tam formalaşdırılıb. O qeyd edib ki, bu cür hərbi hissələrdən biri də Şimal Donanmasının tərkibində fəaliyyət göstərir.

Xatırladaq ki, pilotsuz sistemlər alaylarının yaradılması ilə bağlı qərar 2024-cü ilin sonunda qəbul olunmuşdu.