Rusiya Kurskda yekun əməliyyata başlayıb

Ukrayna hərbçilərini Kursk vilayətindən sıxışdırıb çıxarmaqda olan Rusiya ordusu ötən ilin avqustunda tutulan Sucaya birbaşa hücuma başlayıb.

Ens.az Oxu.az-a istinadən xəbər verir ki, bu barədə bır sıra mənbələr məlumat paylaşıb.

Bildirilir ki, Kursk vilayətinin azad edilməsi üzrə əməliyyat final mərhələsinə qədəm qoyur.

Eyni zamanda, Rusiya Müdafiə Nazirliyi məlumat verib ki, Ukrayna hərbçiləri Kursk vilayətində Viktorovka, Nikolayevka və Staraya Soroçina yaşayış məntəqələrindən çıxarılıb.

"The Telegraph" nəşri isə yazır ki, 10 min Ukrayna əsgəri Kursk vilayətinin Suca bölgəsində mühasirəyə düşə bilər.

Nəşrin yazdığına görə, Ukrayna Silahlı Qüvvələrində xidmət edən hərbçilərdən biri bildirib ki, Kiyev itkilərin qarşısını almaq üçün Kurskun sərhəd bölgəsindən qoşunları çıxarmaq imkanını nəzərdən keçirir.

Məlumatda, həmçinin qeyd olunur ki, Rusiya bölmələrinin irəliləyişi, ABŞ-nin Ukrayna ilə kəşfiyyat məlumatlarının paylaşılmasını dayandırdığı bir vaxtda baş verib.