Rusiyadan Ermənistanın aqrar sektoruna növbəti zərbə - İdxal qadağalarının dairəsi genişləndirildi

Rusiyadan Ermənistanın aqrar sektoruna növbəti zərbə - İdxal qadağalarının dairəsi genişləndirildi

Rusiya Ermənistandan kənd təsərrüfatı məhsullarının idxalına qadağanın əhatə dairəsini genişləndirir.

Ens.az Oxu.az-a istinadən xəbər verir ki, bu barədə Rusiyanın Baytarlıq və Fitosanitar Nəzarət üzrə Federal Xidməti (Rosselxoznadzor) məlumat yayıb.

Bildirilib ki, sabahdan etibarən Ermənistan mənşəli və bu ölkədən göndərilən nar, badımcan, kartof və quru meyvələrin idxalına, eləcə də bu məhsulların Avrasiya İqtisadi İttifaqına (Aİİ) üzv dövlətlərə tranzitinə müvəqqəti məhdudiyyətlər tətbiq ediləcək.

Məhdudiyyətlər göndərilən malların təhlükəsizliyinin təmin edilməsi üzrə müvafiq alqoritm hazırlanana qədər tətbiq olunacaq.

Qeyd edək ki, daha əvvəl "Rosselxoznadzor" Ermənistanın kənd təsərrüfatı məhsullarının Aİİ-nin və Rusiyanın fitosanitar tələblərinə cavab vermədiyini bildirmişdi.