![Rusiyadan qayıtmaq istəyən azərbaycanlıların ölkəyə gətirilməsi ilə bağlı açıqlama](https://ens.az/images/news/727337274b4dfe9724c78bcbb00a366d.png)
Rusiyadan qayıtmaq istəyən azərbaycanlıların ölkəyə gətirilməsi ilə bağlı açıqlama
“550-ə yaxın vətəndaşımız Azərbaycanın Rusiyadakı səfirliyinin “Qaynar xətt”inə müraciət edib”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
Onun sözlərinə görə, Rusiyada olan vətəndaşların Azərbaycana gətirilməsi növbəlilik əsasında “evə gedirəm” portalı vasitəsilə həyata keçiriləcək:
“Vətəndaşlarımız orada qeydiyyatdan keçməlidir. Sistem avtomatik şəkildə növbəliliyi təmin edəcək. Portal fəaliyyətə başlayandan sonra növbəti beş gün ərzində aktivləşəcək, ondan sonra digər beş gün fəaliyyət dayandırılacaq ki, müraciət edənlər aşkarlansın.
Sonra yenidən fəaliyyətə başlayacaq. Ümumilikdə, növbəti həftələrdə 200-400 Azərbaycan vətəndaşının mərhələli şəkildə ölkəyə gətirilməsi nəzərdə tutulur”.
H.Hacıyev bildirib ki, qarşıdakı dövr ərzində isə digər ölkələrdən Azərbaycan vətəndaşlarının xüsusi çarter reysləri ilə ölkəyə gətirilməsi həyata keçiriləcək:
“Azərbaycan Hava Yolları və “Buta” Hava Yolları ilə biletləri olan və uçuşları həyata keçirə bilməyən vətəndaşların gətirilməsinə üstünlük veriləcək”.
Şərhlər
Şərhləri göstər Şərhləri gizlət