Rusiyanın koronavirus qeydə alınmayan son bölgəsi qaldı
Rusiyanın 85 regionunun 84-də koronavirusa yoluxma halı qeydə alınıb. Rəsmi olaraq pandemiyanın daxil ola bilmədiyi sonuncu bölgə Altay Respublikasıdır.
Bu barədə Rusiya üzrə operativ qərargahın “Telegram” kanalında məlumat verilib.
Dünənə qədər Çukotkada da yoluxma halı aşkarlanmamışdı, lakin hazırda sözügedən bölgədə bir yoluxma faktı qeydə alınıb.
Qeyd edək ki, Altay Respublikasında, ümumilikdə, təxminən 220 min insan yaşayır.
Son məlumatlara görə, Rusiyada 24 490 yoluxma halı qeydə alınıb. 198 nəfər bu xəstəlikdən ölüb, 1 986 xəstə isə sağalıb.
Mənbə: Oxu.az
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət