Ruslar Türkiyədə çoxlu ev almağa başlayıblar

Türkiyə lirəsinin son bir ildə çox dəyər itirməsi ölkədə daşınmaz əmlak bazarına əncəbilərin marağını təxminən iki dəfə artırıb. 44 min belə müqavilə imzalanıb. Halbuki buna qədərki bir illik dövrdə əcnəbilərin bağladığı ev, mənzil müqavilələrinin sayı 22,4 min olmuşdu.

Bizimyol.info xəbər verir ki, ən çox rusların Türkiyə mənzil bazarına marağı artıb. Son bir ildə maraq 1,7 dəfə yüksəlib. Keçən il Rusiya vətəndaşları Türkiyədə 2300 daşınmaz əmlak müqaviləsi imzalayıb. Bu ilin əvvəlində də fəallıq azalmayıb. Yanvar-fevral aylarında daha 432 müqavilə bağlanıb.

Ruslar siyahıda dördüncü yerdədir. İlk pilləni İran vətəndaşları tutur. Sonrakı yerlə İraq və Səudiyyə Ərəbistanı vətəndaşları bölüşür. Ruslar yanvar-fevral aylarının göstəricilərini nəzərə alanda üçüncü pilləyə yüksəlir.

Əcnəbilər ən çox İstanbulda ev alır (14,3 min). Antalyaya da maraq böyükdür. Bu kurort şəhərində 7,9 min ev, mənzil alınıb.